काठमाडौं। एन्फा राष्ट्रिय लिग अन्तर्गत आज पनि दुई खेल आयोजना हुँदैछन्।
सातदोबाटोस्थित एन्फा कम्प्लेक्समा हुने पहिलो खेलमा न्यूरोड टिम (एनआरटी) ले लालीगुँरास एसोसिएसन क्लबसँग खेल्नेछ।
याे खेल दिउँसो १२:१५ बजेबाट सुरु हुनेछ। जारी लिगमा ९ खेल खेलेको लालीगुँरासको १९ अंक रहेको छ भने समान ९ खेल खेलेको एनआरटीको १८ अंक रहेको छ। दुवै टोली जित निकाल्दै तालिकामा आफ्नो स्थान मजबुत बनाउने लक्ष्यमा रहनेछन्।
आजै हुने दोस्रो खेलमा दिउँसो ४ बजे जावलाखेल युथ क्लब र सातदोबाटो युथ क्लब आमनेसामने हुनेछन्।
जारी लिगमा ८ खेल खेलेको जावलाखेलको ९ अंक रहेको छ। यता ७ खेल खेलेको सातदोबाटो युथ क्लब ६ अंकसहित तालिकाको १५औँ स्थानमा रहेको छ।
तपाईको प्रतिक्रिया !!!
